陳根記 (已搬遷) 新店位置

3个女人放工一聚,去左禾𪨶间陈根记,有同事话好似会执,昨晚去完,觉得唔会执住,好抵食!3个女人都唔洗一百蚊落楼,叫左四菜两碗白饭,朋友有叫碑酒都系超抵饮,基本上wasabi 手撕鸡食落口真是好wasabi,劲正,然后是我们的最爱煎蚝饼,最紧要系唔粉,上星期系荃湾室内大牌档食煎蚝饼,一口粉超唔开心,但陈根记煎蚝饼的确是一口都是蚝,好开心,但都有少少唔高兴因为冇炸墨鱼咀,所以叫左椒盐鲜鱿,碟椒盐鲜鱿好正常几好食,唔粉,不过另外个马拉盏炒安菜就失失地望,因为只有咸味,食唔到马拉盏既咪,唔好问我咩系马拉盏既咪,即是马拉嘅酱,同虾酱做法几似,但昨晚完全食唔到,整体都好推介,因为咁有风味既大牌档系香港愈来愈少,要珍惜,多人聚一定要去,少人聚都可以,不过要遇左有人系附近食烟,好彩个阵我已经食饱饱,好满足啦,下次要吃埋其他!