深井陳記燒鵝茶餐廳 (已結業)

今晚阿妈同阿姨佢地出去玩唔煮饭，咁我就同阿爸去陈记食烧鹅喇，陈记有时需要排队，但今日去到只系得几个人系度等，所以等左几分钟就有得食喇。腐乳炒通菜，好好味，菜好新鲜，炒嘅时间刚刚好，因为通菜好容易炒老，小小辣椒加上腐乳，有D辣味又加上腐乳嘅的香味，好睇又好食。猪扒包感觉一般，面包烤得过火，猪扒味道还可以，有D失分，总体就还算可以喇。烧鹅依然保持水准，皮酥油香, 肉嫩多汁，鹅应该特别系用药材浸过嘅，味道比较特别，腌得好入味，如果食烧肶仲正，啖啖肉又多汁，嚟到嘅朋友仔一定要点呢个，分量都好大，两个人嘅话，可以点一个烧鹅加一个干炒牛河就足够喇。