Pizza Piazza (已結業)

虽然餐厅坐位唔算太多, 不过几张挂画都带有少少playful意大利风，都几舒服。Lunch set 方面都好简单,分别有pizza类同pasta salad 类, 我地就 选择咗一个pizza(火腿日式香菇) 同一个意粉(黑松露大虾意粉)。套餐除咗主食之外仲有汤同饮品, 当日嘅汤就系洋葱汤, 里面有满满嘅洋葱同有啲菇，唔错。pizza 切开都有成6片，一个人就未必食得哂。上面铺满咗满满嘅香菇同火腿片, 仲有唔少嘅芝士畀大家去拉丝tim 😍, 饼底方面系薄薄的正宗pizza薄皮, 食得出嘅麦香, 最啱钟意食香脆嘅朋友仔！意粉方面, 除咗香浓扑鼻黑松露味以外, 当中仲有好橄榄油香同蒜香味, 有多重层次嘅感觉, 仲有几只好爽口嘅超级大虾, 扁意粉好有嚼劲, 我同朋友都好surprise好好味。最后我哋仲加多咗个tiramisu, 呢个度既tiramisu 同坊间唔同, 口感有少少似蛋糕, 比较硬身, 而蛋糕上仲有一堆好smooth 既cream 做点缀, 值得一试。