陸陸雞煲火鍋 (已結業)

个人对鸡煲特别有要求同需求，哈哈，因为我真系好钟意食鸡煲。推介鸡煲店有两间，一间系一品，一间系陆陆。可惜一品长期大排长龙兼要多人先book 到枱，所以少人嘅话，我多数拣陆陆。鸡煲店，除咗个鸡煲要好食之外，我对配料特别执着，无靓料真系即刻out 得！陆陆鸡煲最少都要有BB辣，说穿了唔辣嘅鸡煲真系差咗少少野 。原只鸡足料，鸡肶滑鸡胸位多肉。配料方面，入口溶化嘅手切肥牛，爽口墨鱼滑虾滑系推介。如果你系钟意脆口啲嘅响铃，你就skip 得。呢度有少见嘅皇帝菜，记得order! 仲有鬼马油炸鬼，如果你钟意入味啲就浸耐啲，否则1分钟就岩岩好，仲会有少少脆。小贴士，啲人话煲到尾，个鸡煲汤底就淡晒。你可以同佢讲，多汁多汁！咁到时加咗汤就可以keep 到个脓味喇！如果你喜欢，加碗白饭，鸡煲汁捞饭其实系超正！