王家沙 (已結業)

位于九龙城又一城既王家沙，地理位置非常之优越。你往往对位于商埸底层既食肆佢个环境冇咩想像，因为通常都系一堆餐厅汇聚而成既food court，不过九龙塘既王家沙并非如此，成为左果到脱俗既餐厅。呢到既光源并非依靠灯发出既光，而系天然光，靠既就系带有温暖阳光，系呢到食餐饭真系特别舒服!话就话系下午茶，但因为都几肚饿，又想食多少少肉，所以有醉嘉美鸡既出现。即刻食紧既系冷盘，一碟暖色既菜式加上天然光照射，令整个人添左分暖意。有卖相既嘉美鸡，自然有咁上下既味道：冇错，咬落有鸡肉应有既丝状，显示出鸡肉一啲都唔老。而且微带酒味，弥补左净食鸡肉寡既感觉。我自己虽然唔食辣，但去亲呢啲地方种系想食红油抄手，结果：呢个红油抄手对唔食得辣既我黎讲叫接受到，而且带甜味，两啖食完一粒，又想即刻夹过第二粒食。肉肥瘦均衡，唔洗花好长时间咀嚼，不过我觉得佢条尾太长。小笼包最紧要皮薄多汁，汁既份量可以再多啲啲，而且上黎果阵唔够热。鲜豆板时蔬，菜新鲜，唔老又唔韧，但我觉得鲜豆板可以再多少少。菜上面有一丝丝金华火腿同几片既蒜头，少少咸味提升左整道菜既味道。佢份menu整得几有心思所以影低左。