影片
更多
2019-08-29
4035 浏览
夏日，总喺晌宁静嘅环境下，懒洋洋咁嘅叹一餐高级下午餐，感觉喺特别悠闲写意。趁着暑假嘅尾声，虽然，暑假对我哋嚟讲意义唔大，但同老婆拍拖更享受吓，让呢个暑假有多一点回忆。晌友人推介下，是日就嚟到美丽华广场一期食四方嘅「May Day」试试其期间限定下午茶。原来餐厅嘅定位喺搞婚宴场地，唔怪之得一入到去，有种英伦古典风嘅感觉，又带有一室清新感，唔俗气，而且，地方亦颇为阔落宽敞。再坐落，发现原来仲有一处户外区，架起晒拱形花栏，有点童话风格，摆到明就喺用作证婚之用，我谂唔少新人都好受落。而今次所品尝嘅下午茶，主题为「Sun Shine Sea Beach」，共有3款咸点，配6款甜点，包基本餐饮，两位用，定价$388 + 10%。加上今日有好好嘅阳光，衬番晒个下午茶。早前晌一家西班牙餐厅所试嘅「渡夏秘境」下午茶，卖相已好吸晴，今回嘅「Sun Shine Sea Beach」下午茶，就更有阳光与沙滩感，尤其以饼碎做成嘅沙滩，加少少道具，再以玻璃板营造海水嘅感觉，真喺好得㖞。其实，除咗把大阳遮之外，玻璃板上嘅嘢乜都食得，就连啲装饰用嘅贝壳，都喺白朱古力做，小弟都贪得意试咗粒，当然，会喺偏甜啦！自家制迷你
原来餐厅嘅定位喺搞婚宴场地，唔怪之得一入到去，有种英伦古典风嘅感觉，又带有一室清新感，唔俗气，而且，地方亦颇为阔落宽敞。
再坐落，发现原来仲有一处户外区，架起晒拱形花栏，有点童话风格，摆到明就喺用作证婚之用，我谂唔少新人都好受落。
而今次所品尝嘅下午茶，主题为「Sun Shine Sea Beach」，共有3款咸点，配6款甜点，包基本餐饮，两位用，定价$388 + 10%。加上今日有好好嘅阳光，衬番晒个下午茶。
早前晌一家西班牙餐厅所试嘅「渡夏秘境」下午茶，卖相已好吸晴，今回嘅「Sun Shine Sea Beach」下午茶，就更有阳光与沙滩感，尤其以饼碎做成嘅沙滩，加少少道具，再以玻璃板营造海水嘅感觉，真喺好得㖞。
其实，除咗把大阳遮之外，玻璃板上嘅嘢乜都食得，就连啲装饰用嘅贝壳，都喺白朱古力做，小弟都贪得意试咗粒，当然，会喺偏甜啦！
自家制迷你海鲜汉堡唔知几时开始，迷你汉堡已经不知不觉成为下午茶嘅常客。以炸虾饼取代惯常嘅牛肉，简单配以生菜、蕃茄及自家酱汁，味道方面唔错，但如果再热啲，就更有「新鲜」感。
迷你蟹肉蛋挞蛋挞一向喺唔少港人至爱，加入蟹肉，谂起都开心啦。挞壳颇脆口，里面都食得到一丝丝蛋肉，只喺唔热嘅话，感觉都喺打咗少少折扣。
烟三文鱼慕丝配水瓜柳及黑鱼子老实讲，个烟三文鱼慕丝配水瓜柳虽然其貌不扬，但真喺做得几好，清新柔滑，加埋啲咸鲜嘅黑鱼子，味道甚有层次；如果，衬以一片烘多士或法包，立时观感高档次一啲。
菠萝卷试完啲咸点垫垫肚，就轮到一连串甜点，先喺件菠萝卷蛋。老婆就怕肥，唔钟意太蛋忌廉，但我就无问题，难得啲忌廉又打得滑溜，配以菠萝果肉，而啲海绵蛋糕又软绵，喺唔错。
榛子芒果蛋糕再落嚟喺蛋糕系产品，面层嘅芒果软糕做得几好，平滑富芒果清甜味，切开睇到中间喺芒果慕丝，再夹咗一层榛子酱，并以脆脆朱古力蛋糕做饼底，所以，一口咬落去有多重滋味及口感，呢个真喺好食。
蓝莓乳酪慕丝杯顾名思义，就喺一小杯嘅蓝莓乳酪慕丝，但为咗外观有啲层次感及好睇啲，仲加咗一层啫喱、蓝莓粒，以及用咗啲「木糠」做装饰。慕丝打得幼滑，酸酸甜甜，满有蓝莓清甜味，又渗出乳酪嘅酸爽感觉。
加勒比鸡尾酒慕丝呢一款「加勒比鸡尾酒」实在睇名好难估佢喺乜，不过，天空蓝嘅色泽，绝对衬晒知下午茶嘅主题。先试试面层嘅蓝色软糕，不过，唔喺好食得出咩味，而里面则喺云呢嗱慕丝夹杂牛乳流心，再混有菠萝粒，整体嚟讲，食味不俗。
焦糖烧菠萝外观烧得好靓仔㖞，表面烧得一身金黄焦香，咬落唔只有焦糖味，亦应该加咗少少牛油；此外，非常多汁，又清甜，烧菠萝永远喺唔会点衰嘅甜点嚟。
马卡龙嚟到尾声，就喺试试估计会喺最甜嘅甜点「马卡龙」喇，单睇色泽，似喺原味嚟。咬一口，真喺有啲失望，因为主要饼身未能做到外层黏脆，而内层烟韧嘅口感，唔可以话难食，只喺有啲似食紧一块夹心饼而已。
即磨咖啡、热柠水餐饮方面选择唔多，都喺大路嘅啡茶、柠茶、柠水之类，不过，小弟杯即磨咖啡，所伴上嘅奶都喺打热过，算喺有诚意。
整体而言，个场嘅环境真喺好舒服，三几个朋友嚟聚一聚、倾吓偈，感觉喺好唔错，招呼亦好有礼貌，好细心；然而，食物方面，称唔上好突出，款式亦比较大路，欠缺一啲啲亮点，要吸引回头客，要有啲提升至得。
张贴
