少爺泰 (已結業)

天朗气清，去左呢间泰式料理餐厅食晚饭，响沙田河慢慢散步行去旁边嘅河畔花园，经过一个露天驾驶学院就去到，都几方便。入到去叫左马拉盏炒通菜($78)同埋溶岩椰青海鲜焗饭($168)。落单唔驶十分钟个马拉盏炒通菜好快就热辣辣咁上枱，未食已经闻到浓浓的虾酱香味，啲菜入口爽脆，唔会炒到熟过头，加上油水十足，够嘢味。跟著个溶岩椰青海鲜焗饭就＂隆重登场＂，话佢隆重登场绝不夸张，𠮶饭上枱面时红色灯丶绿色灯丶紫色灯不停在你眼前闪现，椰青水放左喺个头骨杯，而个头骨杯就正正放喺灯上面，好有视觉效果。椰青里面放满新鲜嘅椰肉𣓿埋啲鸡蛋炒饭，面头放左有带子丶虾丶同埋青口，再加啲芝士之后一齐放入焗炉焗，啲椰浆多到满泻晒出嚟，真喺劲。