影片
更多
2013-08-31
496 浏览
又喺一个月一次出尖沙咀返教会嘅日子，完咗崇拜我俩公婆拉埋舅仔同另一位教友，本来打算去老婆个饭堂「唯一」食上海面，不过行到去厚福街，又突然改变主意，不如试吓隔几个铺位嘅「豪隍点心」，因为晌「唯一」唔多「襟」坐，而晌「豪隍」饮茶食点心，应该可以倾耐啲。虽然喺尖沙咀，商业加旅游旺区，但时间尚早，都仲未够12:00pm，反而颇静。所以，踏入豪隍都唔多人，近门口𠮶几张枱仲喺吉嘅，啲客大多数拣坐入面嘅卡位，感觉唔使被路人经过晌橱窗度眼望望，而我哋心态都喺一样，同样拣入面卡位。餐厅嘅装修好简洁，横间白墙身，深紫色绒梳化椅衬灰色云石枱；虽然个铺位本身为长形，但胜在楼底够高，所以空间感强。而且，墙上挂有唔少香港古迹建筑嘅黑白相片，好似我哋头上𠮶张就喺对住文化中心嘅香港青年会（YMCA）及隔离嘅半岛酒店。依家好多食肆嘅餐牌都已经中英对照，更何况豪隍位处尖沙咀，又喺卖外国人好钟意嚟到香港都想食嘅点心，所以佢张点心纸一面中文，一面喺全英，我就特别有兴趣睇啲翻译喺点写，唔喺要捉人错处，反而小弟英文几水皮，当喺学吓嘢，何况有啲点心真喺好难译，意译又怪怪哋唔传神，而音译外国人睇完都未必明喺乜，感觉都几有趣架！基本嘅
虽然喺尖沙咀，商业加旅游旺区，但时间尚早，都仲未够12:00pm，反而颇静。所以，踏入豪隍都唔多人，近门口𠮶几张枱仲喺吉嘅，啲客大多数拣坐入面嘅卡位，感觉唔使被路人经过晌橱窗度眼望望，而我哋心态都喺一样，同样拣入面卡位。餐厅嘅装修好简洁，横间白墙身，深紫色绒梳化椅衬灰色云石枱；虽然个铺位本身为长形，但胜在楼底够高，所以空间感强。而且，墙上挂有唔少香港古迹建筑嘅黑白相片，好似我哋头上𠮶张就喺对住文化中心嘅香港青年会（YMCA）及隔离嘅半岛酒店。
依家好多食肆嘅餐牌都已经中英对照，更何况豪隍位处尖沙咀，又喺卖外国人好钟意嚟到香港都想食嘅点心，所以佢张点心纸一面中文，一面喺全英，我就特别有兴趣睇啲翻译喺点写，唔喺要捉人错处，反而小弟英文几水皮，当喺学吓嘢，何况有啲点心真喺好难译，意译又怪怪哋唔传神，而音译外国人睇完都未必明喺乜，感觉都几有趣架！基本嘅点心纸细细张，一版睇晒，分8大类：名厨挨介、即蒸点类、蒸肠粉类、砂窝蒸饭类、云南米线、煎炸点类、精选甜品、饮品，超过50款食物供应，另外仲有张细纸仔有多几款厨师推介。补充多少少，茶芥6:00pm前收$4位，之后收$5位，所提供嘅喺日本玄米茶，全日免收加一。结果我哋点咗6个点心，一碟肠粉加个砂窝蒸饭。
豪隍叉烧包 $20好奇怪，用得「豪隍」两个字应该喺招牌嘢，长期供应嘅产品，但晌点心纸喺无列出嚟，反而晌另一张「厨师推介」嘅纸仔度搞，到。一笼有3个叉烧包，虽然叫「豪隍」，又喺「厨师推介」，但水准只喺一般，包身有啲黏牙，叉烧馅肥猪肉又唔少。
豪隍虾饺皇 $15 / 两粒反而虾饺做得有相当水准，饺皮既薄且透，睇到内里虾肉填得满满，而且够晒大只，咬落去啖啖爽鲜嘅虾肉，真材实料无欺场！
鲜竹牛肉球 $17牛肉球亦食得出用料不赖，一笼有3球，垫有鲜腐竹，牛肉球加咗少少葱粒同陈皮粒，食落隐约带点幽香，牛肉球质感亦都弹牙唔死实，肉味不俗，值得推介。
高汤鲜竹卷 $17猪肉、甘笋丝、西芹丝以鲜腐竹包实连高汤蒸，虽然个高汤唔喺话鲜浓到晓飞，但细心嗒真吓，鲜腐竹经高汤浸透，个味道变得唔寡，有点鲜甜香味。馅料？好似变得有啲其次，哈哈！
流沙奶黄包 $21个包又真喺几得㖞，包身非常松软，内里嘅奶黄馅够晒「流」，一咬澎湃涌出，食时要小心烫咀；而且以牛油、吉士粉、咸蛋黄所做嘅奶黄，咸香有致，甜度亦啱自己口味，兼且咸蛋黄未压至碎透，甚有起「沙」嘅感觉，正！
黄沙猪润肠 $22黄沙猪润肠依家晌坊间都好流行，随处都可以食到，不过做得好就唔喺间间可以。豪隍嘅黄沙猪润肠又如何？小弟就俾个OK佢，佢啲猪润起晒沙，证明够新鲜，而且份量十足，抵食，但肠粉皮拉得厚，唔削，可惜亦都唔滑。而最出问题喺个外观，一大幅肠粉皮拉好之后，整出嚟嘅肠粉阔度应该一致架，何解3条肠粉有长有窄，虽然咁写好似有啲挑剔，但真喺唔明㖞！
煎蛋牛肉饭 $26砂窝蒸饭系列，共有6款选择，拣依个皆因舅仔甚钟意牛肉食品。砂窝细细，饭嘅份量约一碗家常饭碗份量，但估唔到牛肉冚匀晒饭面，亦都有一定厚度，肉质松软，又加咗少少蕃茜吊吊肉香。最正喺只「荷包蛋」喺流晒心，将蛋黄捞匀啲饭，更香更好食。
八宝咸水角 $18咸水角外表炸得金黄，而且比起一般所见嘅咸水角身形较修长。入口外层脆口而带烟糯，不过，馅料少得可怜，近乎斋食皮嘅感觉。
甜品只得两款：杞子圆肉桂花糕及香芒布丁，同枱几位都唔好甜嘢，得我一个啱，所以就无谓叫啦。整体豪隍嘅点心都有唔错水准，个别点心仲带嚟少少惊喜，大以列入翻兜之列。另外，下午茶时段挺实惠，每日2:30-6:00pm，推出下午茶套餐，蒸饭 / 米线加1款自选点心卖$39，又或肠粉加1款自选点心卖$35，甚至2款自选点心嘅组合卖$31，又免埋$4茶钱，都几划算呀！温馨提示，店家设有最低消费架，6:00pm前喺$30位，6:00pm后就$50位，午市就好易过，晚市就要埋单前自己睇睇砌够数未！
张贴
