南洋 (已結業)

平时都唔点写食评，今次都要写黎提提大家勿中伏。虽然有同事食过评价一般，但在某平台看到有折扣优惠，又落雨，于是决定亲自一试俾次机会，去到问可唔可以用优惠，侍应话要等另一个侍应前来认证，结果红衫女人话我地知，老细话要晚餐够＄500先可以用优惠，找均所有条款都不见有咁写就算要我每样计正价都算，咁细间舖，咁既餐牌，我真系想像唔到点样先食到＄500，其实唔想俾优惠咪唔做，系香港未遇过啲咁既事，老实做生意会好啲。食物方面，肉骨茶味道都尚算ok，但饭同埋油条就简直惊吓麦，隔夜味.sorry，系唔知隔左几多夜，硬之余仲有味，饭仲有杂质。然后最期待的奶茶都系唔得的，好涩好鞋口，差！侍应应该知道我地唔满意，系我地个枱行行企企眼望望，放底餐具就面浓浓地即时收走餐盘，好想人即走咁。咁既质素加当香港人傻的服务熊度，难怪冇咩人帮衬，正常的！