Awfully Chocolate (已結業)

其实我好钟意食呢间蛋糕，琴日大概7点左右系朗豪坊呢间分店买。我见到嘅时候已经系塌左（如图），我见柜入面个个千层大cake都全部变成咁，我怀疑系冻柜唔够冻。味道方面其实唔觉变左，依然好浓厚嘅cream。比坊间千层蛋糕多层，两个人食一个都饱。但卖相变成咁，以佢嘅价钱可以食其他唔错嘅甜品。再加上我食完肚痛，我觉得系因为放蛋糕个柜唔够冻引致。服务可以话零，基本上买完就自己拎去隔离食。座位少，如果撞正多人时段，就要企系度食。员工唔出黎抹枱，我去个阵得几个人食，但枱面污糟都冇人理。