小蓉麵家

营业中

休息中

过2日就系正月十五元宵节，妈子吩咐买啲花返归，趁假日顺便去园艺街逛逛，逛完买完已经系食晏时间，经过呢间面店望入去几企理，有几个人响度等紧，求其啦，脚好攰，坐响门口等。大约等咗10分钟可以入坐，入面装潢几有特色嘅，尤其是圆枱圆凳有古典味。我哋坐卡位觉得好坐啲，枱面嘅腌萝卜几好食，令人想起湾仔永华嘅腌沙葛好颈渴叫杯嘢饮先，豆浆有豆味甜度适中唔想食虾所以无叫招牌云吞面姜葱猪润捞面如果啲蚝油分开上会好啲，姜葱够香，猪润都新鲜，面身比平常食嘅幼啲，质地爽，有蛋香。南乳猪手捞面猪手够腍够入味，清清哋唔会太咸。炸墨鱼丸鲜味有弹性，口感都唔错。炸黄金鱼角有鱼味，不过唔知系咪太薄，放一阵就皱晒皮整体食物OK唔系贵，坐得又比普通面店舒服啲。