裕一品四川雲南米線 (已結業)

星期日都要过湾仔去上堂，实在不情愿去，但又要考试，当返左一日工，个course值2000大元，本身已经好攰，都硬住头皮去上。12:00放lunch，完全唔熟地理环境既我，傻下傻下走落斜路，同行有一个同班既女仔，各自都冇伴食饭，所以就一齐食冇咁尴尬。就近见到一间米线舖，个名都几熟，记得我北角娘家都有一间，唔洗等位就有得坐，唔考虑就入左去。主要都系食麻辣/酸辣米线，$31起一碗有一个𩠌，另外再加𩠌就加$6，随便食个lunch就冇特别加𩠌了。等左成10分钟先有得食，上菜时间过慢。白菜水饺小窝米线 (酸辣7小辣) $31呢度既辣分左好多种级别，见隔离枱话3小辣好辣，唔太食得辣既我随便拣左7小辣，黎到汤底望落冇红色，但其实系有辣味的，呢个辣度啱哂我，少少辣又唔会太呛喉，可惜个酸味就唔太惹味。白菜水饺有2只，个皮好薄，食到有白菜同肉粒，味道不太浓。米线质地还可以，都够滑。冻饮加$4同我一齐食既女仔都觉得，平平无奇的一碗面，医左肚就算。