鍋居火鍋專門店 (已結業)

今日去深水埗黄金买嘢、突然心血来潮想去打边炉就上网揾吓附近有冇一见就见到锅居、又近识玩食字已经吸引左我、就过咗一条马路去会一会佢。一坐低服务员好识做、夏日热辣辣就问我哋饮唔饮啤酒冻饮、虽然我唔饮啤酒但系见到最近劲HIT嘅蓝妹啤酒换领站、即刻上佢个网登记做会员就送两支、不过我哋唔饮酒所以嗌左一扎自制嘅苹果雪梨茶、唔太甜又真材实料值得一赞仲要够冻添。叫得锅居真系好多锅选择、我哋仲叫咗个鸳鸯锅、分别系成都麻辣锅和香茜皮蛋、不得不赞嘅系佢嘅辣到可以叫侍应不断加、加到你觉得够辣为止。好肚饿、两个人叫咗好多嘢、有醉鸡、鹅肠、黑柏叶、猪天梯、脆肉鲩鱼腩、不得不叫嘅系自家制四宝丸因为好多汁、仲有即叫即炸嘅响铃同埋特级手切肥牛、肥牛同荃湾杨屋道街市某某出名牛肉店的肥牛一样咁好食😋重点系唔洗排队价钱又唔太贵。其实食咁多火锅店、呢一间服务估唔到佢咁好、谂住是但食个火锅、点知道佢嘅服务比到酒店级我、食到咁上下又会帮手换碟又会帮我哋撇油、呢一餐火锅系我会记得嘅一间。