Piccolo Pizzeria & Bar (沅紗街) (已結業)

大坑出晒名多好野食，今晚特意过来试一试，所以好随意拣左间位置系大街嘅pizza店。舖内得几张枱，最多坐到廿松D人，好彩六点钟到，系第一个客，所以就拣左by window嘅枱坐。三个人order左四样野加三杯非酒精饮品，如果钟意饮酒嘅人，来呢度加埋happy hour，咁就非常好啦！个人较钟意食 Caesar salad，所以都对个头盆有D要求，鸡都够热，好明显系即叫即煮，菜就一般新鲜，因为比较唔爽。至于小食鸡翼同鱿鱼圈，都平平无奇，鸡翼就普通，鱿鱼圈个粉太厚，又无鱿鱼味，只感觉食粉团咁，所以小食有进步空间。话明餐厅主打系pizza，咁叫得嘅应该有番d水准，系open rice都见好多人叫有只半生熟蛋系面嘅pizza，呢个卖点又点可以错过，所以都拣左来一试。薄pie底条边都算脆，但有D焦黑，尚算ok，烟肉烤得刚到位，唔太硬，好容易咬开，半生熟蛋切开都有蛋浆流出，都几得意。确实味道就一般，但半生熟蛋确实系个卖点。最后埋单一人二百，比我想像中之贵，或者舖租太贵，系正大路嘅转弯位，所以抵食程度真系差少少。