你妳 (已結業)

而家搬左来红磡呢头都好少煮饭，成日出街食或者食外卖，今日就试咗呢间起屋企附近嘅台湾野。个门面好得意，系叮当嘅随意门 呢间只有外卖冇堂食，我住得近所以冇乜所谓叫完外卖等左一阵间就有得攞睇落好丰富 铁路便当($55)我拣咗卤水大鸡扒，花枝丸同虾卷拼卤肉饭。味道正常，份量都几多，如果花枝丸同虾卷有酱汁可以点会更加好，我自己喺屋企就落咗啲泰式辣酱 另外套餐加配咗个甜不辣拼地瓜薯条，非常香口，炸得好香脆。秘制猪扒x黑松露酱x荷包蛋吐司 ($42)卖相同味道都好得，我个人钟意咸吐司多过甜吐司，味道层次好丰富，半熟荷包蛋配上黑松露酱令个吐司好够味，如果个面包可以烘脆会更好。加$5就有台式饮品，好抵！仙草大满贯 ($48) 呢个大满贯真系乜都有，大小芋圆、仙草、红豆、芋泥、小布甸、水晶。芋圆口感唔错，食到有芋头同地瓜味，唔系一旧粉甘，全部野加埋个口感好丰富，如果再雪冻一啲会更冰更爽。