韓樂 (啟田商場)

营业中

休息中

经过蓝田食下午茶，无意间发现呢度有间食韩国菜嘅餐厅，装修唔系好韩国style，但算系餐牌上面有啲韩国风味嘅菜式。当然感觉上都唔觉得系好正宗嘅韩国菜，但系个口瘾都可以。我哋点左个魔鬼芝士，一口炸鸡，同埋韩式泡菜豚肉pizza。魔鬼芝士酱，芝士味唔太浓郁，反而件炸鸡其实净食都几好味。整体来讲同喺韩国餐厅食嘅炸鸡嘅感觉比较差得远，当普通炸鸡食则可。至于泡菜pizza则有惊喜，泡菜同埋腩肉都几丰富，加埋蕃茄酱，味道有层次，呢个价钱性价比高。结论，如果突然间想食韩国菜嘅都不妨一试，不过唔好同正宗韩国餐厅有比较。