十三座牛雜 (已結業)

13座牛杂都算系著名小食店，初时只系用依个铺位做工场，所以当时只会闻到香味而冇得食，后来可能终于攞到牌于是打开门口做生意。但牛杂牛腩依类食品个汁系最紧要，而且系需要假以时日去熬先有味，所以开张初期啲味道都系麻麻地。近来再帮衬发现有改善，但都仲未达到其他分店嘅水准。佢哋嘅牛杂分三个份量发售，一串六旧卖八蚊，纯粹俾你过下口瘾但最唔抵食；四十蚊有一大碗，但反而唔及得上三十蚊嘅细碗，一来两款碗嘅容量其实唔系差咁远，而且大碗会用萝卜垫底所以有啲揾笨。依度最大嘅问题系成日都唔开门做生意，而且又唔知佢几时同边日休息，所以撞啱有开就算，唔好特登嚟食。