影片
更多
2019-02-21
33 浏览
餐厅喺佐敦区嘅食街之一伟晴街，细细个有同学住呢头，放学经常上佢屋企打机，今日嚟到感觉变化不大，不过就多咗好多特色餐厅，茶仔火锅店就一定，连印度尼泊尔菜都有。今日去食嘅系一间隐「秘」日式料理。餐厅门面唔算大，但就有两大个「秘」字好显眼—低调得嚟带点高调，好矛盾，哈哈。入面装潢就几简洁，米白墙身只挂住几幅日本风嘅挂画。【秘烧黑松露吉列牛$148】呢度嘅主打菜式系吉列牛，都有几款选择，见黑松露几特别就试吓。吉列牛切成一片片，厚薄适中，容易烧得嚟又保持到口感。吉列牛放上日式迷你烤炉，滋滋声衬托吓油脂开始流出，香味扑鼻，烧一阵已经食得。外围嘅吉列好松脆，黑松露份量啱啱好冇抢走肉味，肉本身就味浓多汁。加$20就有秘之饭素、枫糖流心蛋。流心蛋系一大只。饭素系紫菜碎、芝麻、甜酱油、鱼松，捞饭食系甜酱油味道，唔驶白饭咁斋，同烧好嘅靓肉一齐食，味道更丰富。【芝士吉列豚肉$78】吉列豚肉热辣辣，外皮极松脆，肉质就软腍嫩滑，肥瘦适中。最特别系蘸汁系芝士汁唔系沙律酱，食得更滋味。吉列豚肉每块都厚切，加埋饭素同流心蛋都只系$98，食到饱饱，性价比高。呢度食物质素非常不错，而且价钱比同类店便宜，系绝对值得支持嘅小店
餐厅门面唔算大，但就有两大个「秘」字好显眼—低调得嚟带点高调，好矛盾，哈哈。入面装潢就几简洁，米白墙身只挂住几幅日本风嘅挂画。
【秘烧黑松露吉列牛$148】呢度嘅主打菜式系吉列牛，都有几款选择，见黑松露几特别就试吓。吉列牛切成一片片，厚薄适中，容易烧得嚟又保持到口感。吉列牛放上日式迷你烤炉，滋滋声衬托吓油脂开始流出，香味扑鼻，烧一阵已经食得。
外围嘅吉列好松脆，黑松露份量啱啱好冇抢走肉味，肉本身就味浓多汁。加$20就有秘之饭素、枫糖流心蛋。流心蛋系一大只。饭素系紫菜碎、芝麻、甜酱油、鱼松，捞饭食系甜酱油味道，唔驶白饭咁斋，同烧好嘅靓肉一齐食，味道更丰富。
【芝士吉列豚肉$78】
吉列豚肉热辣辣，外皮极松脆，肉质就软腍嫩滑，肥瘦适中。最特别系蘸汁系芝士汁唔系沙律酱，食得更滋味。吉列豚肉每块都厚切，加埋饭素同流心蛋都只系$98，食到饱饱，性价比高。
呢度食物质素非常不错，而且价钱比同类店便宜，系绝对值得支持嘅小店，下次再去佐敦一定要再食～
张贴
