鳥世一

营业中

休息中

早排朋友同我讲起中环有间好好味嘅隐世串烧店，今日就订左位同好姊姐一齐去试下，难怪被称为隐世，原来系九如坊一条巷仔入面。最中意呢到系有个玻璃隔住，我地唔会食到成身味，又可以望到师傅制作食物。烧明太子明太子带少少辣味，如果就咁食味道会偏咸少少，加左青瓜一齐食会清新爽口。鹿儿岛黑豚五花肉五花肉油脂丰富，肥瘦均匀，加左酱汁味道甜甜地。鸡肾烧得爽脆，唔会韧。粟米超甜粟米，唔会烧到干争争，粒粒充满牛油香味。大黑本菇Juicy，加左萝卜蓉更加甜。牛舌肉质结实，外面略煎香口，一点都唔靭。洋葱仔估唔到烧完嘅洋葱系咁香甜，爽口幼嫩。烧鸟世一丼有免治鸡肉棒，鸡翼，鸡腿肉，大葱鸡肉，全部鸡肉都软林入味，另外提供埋腌物加入白饭一齐食增加口感。