皇苑 (已結業)

是日难得放假，下昼同老公行逛太古城，行到差不多食饭时间，老公话不如搭电车去东大街食饭，我二话不说赞成，因为一来好少去果头，二来东大街名店林立。去到总站落车，原来老公已一早谂好食咩，咕噜肉系佢至爱，佢想去皇苑一试招牌菜拔丝骨。既然佢想去食，当然奉陪到底。皇苑地面门口好细，酒楼要行上一层到二楼，行过未必为意。酒楼面积不大，属于饭店格局，我俩不太肚饿，叫咗两盅炖汤加两个𩠌。根据中医学不同颜色嘅食物归属人体嘅五脏，黑色入肾，咁呢个黑枸杞子炖竹丝鸡一定系滋阴补肾。黑杞子同一般红色杞子食味冇太大分别，鸡汤入面除咗黑杞子竹丝鸡外仲有瘦肉，鸡汤味道鲜美。拔丝系将糖煮至一定嘅浓稠度，再将预先炸好既食物放到入糖浆中，快速搅拌，用筷子挟起食物时可以拉出长长嘅糖丝，通常都喺甜点制作出现，咕噜肉真系第一次见。咕噜肉炸得十分松脆，同糖桨好夹，连我平日不爱吃咕噜肉都食上半碟。怀旧拔丝骨用蜜桃片伴碟，甜甜的很匹配。西兰花大虾球中嘅虾球十分爽脆，西兰花用上有一个份量，味道清爽，十分清宜。饭后甜品奉上南瓜西米露，南瓜味略淡少甜作为免费甜品已经不错。