鳥世一

营业中

休息中

最近发现咗呢间隐世串烧居酒屋🏮 地方唔算大座位亦唔算太多，但好有氛围，岩晒同朋友一边食一边谈心😌 仲可以即场睇住师傅料理！Menu有不少选择！叫得鸟世一咁梗系一定要叫鸟(鸡)啦😋 鸡翼怪叫咗二节鸡翼，外皮烧得好香脆，内裹就好嫩滑，而且食落会有啲炭香！猪嘅部分拣咗豚五花腩芦笋卷，平时食烧五花腩都会觉得好油腻，芦笋就可以好好咁中和返𠮶油腻感！点少得我每次食串烧必叫嘅牛舌，非常厚切，但唔会韧都咬极都咬唔开，个人几中意！烧宫崎和牛串嘅油香不得了，牛味亦好香浓！可以另外再点柚子胡椒，相比会冇咁漏！网烧牛肉嘅份量比我想像中多，肉味好香而且几juicy👍🏻另外仲叫咗两个饭，分别系亲子丼同鳗鱼饭🤓 亲子丼，鸡肉同鸡蛋都一样咁嫩滑，鸡蛋仲食到蛋香！见到隔离枱叫咗鳗鱼饭，我哋都忍唔住跟机😂 鳗鱼几厚肉，而且烧到外脆内滑，食落都一样有少少炭香，酱汁亦控制得岩岩好，唔会过甜，整体黎讲不错！最后仲有自家制嘅抹茶布甸，抹茶味食到后尾都几出，而且唔会太甜，最重要系𠮶碗好得意啊！岩晒打卡😌