大圍168串宵

营业中

休息中

店舖原来唔单止做外卖，原来隔离道门可以上二楼堂食叹冷气，相当隐世。落单形式系用纸笔✅。价钱都写晒系上面。蜜蜜烧鸭胸 $22店主推介！鸭胸唔系一片片，而系一嚿嚿。淋上蜜糖入口甜而不腻，鸭胸又烧得够juicy，唔会好dry。盐烧三文鱼鳍 $45个鳍烧得好卜卜脆，里面咬开有好多汁漏出来。做到外脆内软嘅效果。好推介！烧鸡中翼 $24总共有三只。烧得好似过火左点，有少少㶶同埋里面有d干。海盐烧极品牛脷心 $32有三块。都几厚。完全唔会觉得有好韧既口感，入口即化。绝对推介！烧明太子酿鸡翼 $32有两只。都系烧得比较干，里面唔够juicy。明太子够多，辣辣地好惹味。烧原条蒜香茄子 $38好够蒜同调味，茄子嘅头同尾都笑得好软熟，完全唔会浪费咗。三重芝士烧生蚝伴薯蓉 $52/2只好多芝士同薯蓉。个人觉得个味唔系好夹，因为生蚝都几juicy，d汁沟左落芝士度有d怪。好似都系同蒜蓉夹d。呢度嘅串烧整体来讲都好高质，系价钱有d贵。门口夜晚可以拍车，如果抄牌店主都会通知。行大概7-8 分钟就到地铁站。交通都算方便。营业时间就开得迟收得夜，绝对系宵夜之选。