聚朋坊 (已結業)

平时跑步经开顺宁道，发觉原来呢条街都好多嘢食，见到呢间聚朋坊都好多人食，即管试下啦。 呢度用手机点菜，好方便。 五香酱汁牛𦟌：一向都好钟意食牛𦟌，自从做咗人妻之后，好耐无食妈咪整嘅牛𦟌啦，今日难得呢度有得食，一于点番碟啦，虽然食唔到妈妈嘅味道，不过都可以回味一下。卤后嘅牛𦟌酥软又有嚼劲，而且调料味道充分融入肉中，香美无比。 小笼包个皮都几够薄又多汁，咬开就必晒啲汁出嚟，所以食嘅时候小心辣亲个咀仔。 有钱佬炒饭：个菜名咁得意，我同老公估系咩，竟然比我哋估中，原来系瑶柱蛋白炒饭，个饭都炒得几干身，几香。 蒜香椒盐排骨：蒜粒椒香，排骨够热，又酥又香，送酒一流。 野菌葱爆牛肉：惹味又好送饭， 炒熟嘅香葱味道带甜，啲菇亦都好入味。 豆沙锅饼即叫即整，够晒热，个馅唔系好甜，个皮够香脆。