伊甸 (已結業)

今日去咗官塘一间主打台湾菜嘅餐厅 — 伊甸，之前都嚟过几次食晚餐感觉都几好！星期六大概十二点钟到未算太多人，但再晏少少就已经full house，想食记得book位或者早少少到！台式铁板吐司（$67）brunch必点之选，今日拣嘅满汉综合有炒蛋、起司、培根、火腿同沙律菜，厚切吐司选用咗酥香丹麦多士，再烤到两边焦香，配埋丰富馅料同沙律酱，啖啖台味！EDEN 特盛台式双𩠌套餐（$88）𩠌菜款式多又样样都好高质，今次嘅盐酥猪排炸到外酥内软，小米辣酒糟鸡中翼酒香十足，非常惹味！秘制辣肉碎香同辣度够，但如果捞米粉就唔略嫌咸度唔够。套餐仲有甜品黑糖花生麻糬或者红豆仙草芋圆，非常满足！巴斯克芝士蛋糕（+$30）芝士蛋糕比平时更为焦香，带淡淡柠檬嘅酸同香，入口唔会太漏，想食甜品不妨一试！午市套餐仲可以免费升级赏茶波霸奶茶，平时饮一杯都要三十几蚊，跟餐饮性价比超高！