廿一由八 (已結業)

西兰花煎饼主打低卡路里， 适合减肥人士，但一啲都唔觉得委屈咗自己个胃，因为好似加左啲面粉定芝士同西兰花一齐煎，所以口感有啲似米饭，好神奇，份量都饱肚。手撕猪肉汉堡包啲肉好入味， 个包唔系松软𠮶种，有点似脆猪包， 粟米配左芝士同盐，咸咸地几特别。跟餐沙律新鲜，配黑醋又系好健康。吉士香梨蛋糕唔会太甜， 配伴碟个酱酸酸地，几清新。 店员专登焗返热畀你， 外脆内软暖笠笠好正。刚好遇上周末限定嘅麻糬提拉米苏当然要试下， 咖啡朱古力味道好浓，口感滑到好似食紧yogurt，但间唔中又食到烟韧既麻糬，超正。不得不提餐厅个环境真系好岩文青打卡，店内仲有手工木家私同其他野卖，又食又睇，可以玩半日，但位置较偏僻，坐位都少，小心黎到无位。