壹火鍋

营业中

休息中

天气咁冻，又系烚吓烚吓嘅时候，朋友带路嚟到呢间壹火锅🍲。一坐低，就送上劲大海鲜船和牛肉拼盘，见到都心心眼😍海鲜船好高质，有龙趸鱼片、珊瑚蚌、贵妃蚌、生蚝、鲍鱼、海虾、蚬和带子，有几款海鲜重可以任食添，款款都好肥美，尤其海虾，送上枱仲郁紧，好新鲜，烚5分钟就食得，爽口弹牙，我哋都encore左几转！牛肉拼盘方面，个人特别钟意封门柳，肉质无筋够淰，有牛味又有咬口👍Menu都几多款选择，有刺身任食，火锅料、牛柏叶、鱿鱼、手打丸、蟹柳、午餐肉等，我不能尽录，饮品同埋甜品系自助区𠮶度有得攞，真系够晒满足！