阿賢麵線 (已結業)

之前见过有传媒介绍过，咁啱呢日去开深水埗，就揾揾呢间台湾面线试试。地点都易揾，方便到达。可能天气冻冻哋，一去到冇咩人流，只有我同大佬两个，食嘢枱櫈大多数都系喺舖头出面，店内都有一张长枱面壁。我哋坐咗出面，餐牌系易拉架或者贴晒喺店舖周围。见到有个大肠红面线餐，有一碗面线、冬瓜茶同一款卤水小食，二话不说就走入舖头收银机前落柯打。虽然当时冇其他客人，不过都等咗一阵，应该即点即做啩！面线送嚟时，应该系老板娘嘅小姐用心介绍啲调味配料，有蒜汁同分大细辣嘅秘制菜脯，仲强调大辣菜脯真系好辣！我三款都加晒，大肠香浓，食到卤水味，面线滑而唔会碎晒，正，食到台湾食过嘅味道，唔似XX云X，又水又冇味，料又少，呢度完全相反，份量大，面线多，唔会越食越稀。卤水鸡脾size就细细只，味道都可以。冬瓜茶，甜甜哋，饮落好似糖冬瓜水咁，跟餐OK嘅，单点我就唔会啦。为咗面线我会再嚟，努力阿贤面线！