影片
更多
2021-04-07
1794 浏览
【大西北隐世围村私房菜🐓天水围火焰鸡煲鲜甜食材三食体验🏡】由于小编既印度朋友一直好想试下打边炉，所以小编千挑万选咗一间有特色既隐世打边炉餐厅带佢去🪧依间餐厅系天水围屏山入面，有免费泊车位，要事先打去预约，假日分两round食，6-8/8-10两个时段🤪佢地会当日下午打电话黎问要啲咩配料，会当日即刻去街市买，如果无叫定，即场就会得番枝竹、乌冬、炸鱼皮等等😈小编都无特别问价钱就落咗，但各位朋友可以参考下下面既价钱(五人份量)再决定要落啲咩配料🤠一餐饭可以体验到鸡煲、火锅、同最后吸收哂所有精华既汤饭🤤—《 #大鸡煲(4-5人份量)》$588 ⭐⭐⭐⭐⭐依个鸡煲有足一只新鲜鸡份量，入面仲有花甲、虾、猪润、鲜牛、云耳、甘蔗、马蹄、虫草花，唔会系平时好heavy个种辣鸡煲，超级鲜甜又唔腻😋先开火煮几分钟，啲虾太新鲜系咁系到跳，小编啲屁孩朋友仲系依个时候开盖，只虾即刻跳咗落大脾🥵大家千企唔好咁做阿，会令到食物唔熟之余，仲会整亲朋友就唔好啦🤯滚到咁上下之后，店员就会倒米酒落个镬盖，即刻著起火🔥个鸡煲所有食物都沾染咗浓郁既酒香味，鸡肉非常嫩滑，完全唔油腻😁—《 #脆鲩腩》$148 ⭐⭐⭐⭐⭐脆鲩腩份量比
由于小编既印度朋友一直好想试下打边炉，所以小编千挑万选咗一间有特色既隐世打边炉餐厅带佢去🪧依间餐厅系天水围屏山入面，有免费泊车位，要事先打去预约，假日分两round食，6-8/8-10两个时段🤪佢地会当日下午打电话黎问要啲咩配料，会当日即刻去街市买，如果无叫定，即场就会得番枝竹、乌冬、炸鱼皮等等😈小编都无特别问价钱就落咗，但各位朋友可以参考下下面既价钱(五人份量)再决定要落啲咩配料🤠一餐饭可以体验到鸡煲、火锅、同最后吸收哂所有精华既汤饭🤤
—
《 #大鸡煲(4-5人份量)》$588 ⭐⭐⭐⭐⭐
依个鸡煲有足一只新鲜鸡份量，入面仲有花甲、虾、猪润、鲜牛、云耳、甘蔗、马蹄、虫草花，唔会系平时好heavy个种辣鸡煲，超级鲜甜又唔腻😋先开火煮几分钟，啲虾太新鲜系咁系到跳，小编啲屁孩朋友仲系依个时候开盖，只虾即刻跳咗落大脾🥵大家千企唔好咁做阿，会令到食物唔熟之余，仲会整亲朋友就唔好啦🤯滚到咁上下之后，店员就会倒米酒落个镬盖，即刻著起火🔥个鸡煲所有食物都沾染咗浓郁既酒香味，鸡肉非常嫩滑，完全唔油腻😁
—
《 #脆鲩腩》$148 ⭐⭐⭐⭐⭐
脆鲩腩份量比我地想像多，成十二三块，最重要系佢真系好脆‼️一咬落去，个边边系超爽口，小编成枱朋友都表示好耐无食过咁脆既脆鲩腩❣️脆鲩既大骨系好易挑出黎，唔中意食鱼挑骨既朋友都可以轻松驾驭✌🏼
—
《 #虾滑》$98⭐⭐⭐⭐⭐
佢地既虾滑同平时自己系街市买到既虾滑高好多班😳$98既份量系多到食唔哂，入面有好明显大大旧既虾肉，虾味非常浓郁，而又唔会腥，仲要有咬口💯
—
《 #虾》$88 ⭐⭐⭐⭐
因为唔记得咗煲入面有虾所以就加咗半斤虾，但系值架😹因为额外比既系九节虾，身形比海虾细，但系虾肉更加爽口而鲜甜，所以都系错有错著先食到咁正既虾😎
—
《 #肥牛》$248 ⭐⭐💥
原本食既时候个个都觉得个肥牛几好食，肉味都重，但系后来知道价钱之后就觉得有啲唔抵🥺$248既肥牛只有大概十块左右，但系依个价钱其实系街市可以买到份量更多既新鲜手切牛，如果唔系真系好中意食牛既朋友可以考虑唔点依个😣
—
《 #墨鱼滑》$88⭐⭐
墨鱼滑系直头大家都觉得唔好食而舍弃咗佢，无墨鱼味，粉浆好多，似食紧一旧粉团😭好彩个汤底正，浸完都唔会话完全入唔到口🙁
—
《粟米》$48⭐⭐⭐⭐⭐
《蒿笋》$48⭐⭐⭐⭐
《枝竹》$42⭐⭐⭐⭐
《饭》 $14/碗
《辣椒豉油》 $5/碟
张贴
