影片
更多
2022-09-13
457 浏览
☘️疫情以来都好耐冇去郊外玩，上个礼拜同朋友一于去咗马湾半日游，仲记得好多年前去探过刚搬入去嘅同事，感觉好隔泄，但系空气清新同个影倒桥景嘅海滩仲记忆犹新！ 今次我哋响葵芳坐𠮶架专车NR331入去都好方便！ ☘️我同朋友两个行咗一阵，因为天气非常好，太阳好晒所以决定先揾餐厅食嘢hea吓先，等太阳冇咁劲至去沙滩。之前bookmark 咗呢间土耳其coffee shop, 所以即刻揾路，不过原来好近所以都好方便！☘️间coffee shop 外面布置得几有心思，又种咗植物可以俾人坐喺度打咭，其实都有啲似日本啲小cafe. 入去就见到店王佢好热情咁招呼我哋，另外有一台在角落食紧饭，我哋就拣咗坐响张大长枱上。整个cafe都布满土耳其装饰，好多打咭位，佢哋仲有啲土耳其嘅披肩之类可以借俾我哋影相，拍出嚟都好有feel😊☘️我哋点咗个土耳其鸡肉烤饼，一个蒜香牛仔骨，两个都好味，个牛仔骨稍干了一点但味道不错👍 店主介绍咗新饮品俾我朋友试 - 玫瑰石榴柠檬特饮，朵玫瑰花冰卖相好靓，味道酸酸的好refreshing ! 我就拣咗体验土耳其最古老嘅咖啡- coffee on the sand 😜 自己亲自煮好好玩，味
☘️我同朋友两个行咗一阵，因为天气非常好，太阳好晒所以决定先揾餐厅食嘢hea吓先，等太阳冇咁劲至去沙滩。之前bookmark 咗呢间土耳其coffee shop, 所以即刻揾路，不过原来好近所以都好方便！
☘️间coffee shop 外面布置得几有心思，又种咗植物可以俾人坐喺度打咭，其实都有啲似日本啲小cafe. 入去就见到店王佢好热情咁招呼我哋，另外有一台在角落食紧饭，我哋就拣咗坐响张大长枱上。整个cafe都布满土耳其装饰，好多打咭位，佢哋仲有啲土耳其嘅披肩之类可以借俾我哋影相，拍出嚟都好有feel😊
☘️我哋点咗个土耳其鸡肉烤饼，一个蒜香牛仔骨，两个都好味，个牛仔骨稍干了一点但味道不错👍 店主介绍咗新饮品俾我朋友试 - 玫瑰石榴柠檬特饮，朵玫瑰花冰卖相好靓，味道酸酸的好refreshing ! 我就拣咗体验土耳其最古老嘅咖啡- coffee on the sand 😜 自己亲自煮好好玩，味道都唔错。仲有个好特别嘅土耳其甜品，里面有cheese 拉丝，配埋杯土耳其咖啡简直perfect 👍
☘️因为呢日系weekday 所以人唔多，我哋一边倾偈一边仲同驻店名物 - 啤啤（🐶）和莎莎（🐱）玩，影咗好多靓相，跟店主闲谈间知道佢哋原来系旺角搬入嚟，而我同朋友竟然系好多年前已经去过嘅，世界真系好细😜 唔经唔觉都玩咗三个钟，呢度原来除咗玩热沙咖啡，仲有土耳其灯workshop, 同埋一啲有关土耳其嘅兴趣班不过就最好预先电话check 咗先。店主话佢哋迟啲仲会搅土耳其tour 添，我即时两眼放光，因为都好有兴趣，希望疫情快啲过，可以自由飞去旅行🧳
PS. 走嘅时候可以选择坐船直出中环，都好快㗎！唔怕晏仲可以响马湾留耐啲睇埋日落添😜 咁就可玩足大半日了
土耳其鸡肉烤饼
$178
20 浏览
0 赞好
0 留言
土耳其鸡肉烤饼
$178
15 浏览
0 赞好
0 留言
蒜香牛仔骨
$188
11 浏览
0 赞好
0 留言
玫瑰石榴柠檬特饮
9 浏览
0 赞好
0 留言
土耳其Kunafu
7 浏览
0 赞好
0 留言
热沙咖啡
2 浏览
0 赞好
0 留言
张贴
