蔵鳶居酒屋

营业中

休息中

同朋友今日喺尖沙咀行街，突然发现依间居酒屋，睇落唔错，就入嚟试吓😋居酒屋嘅装修参考左日本鱼市场，几有特色。首先我叫咗鸡泡鱼干做前菜。鸡泡鱼烧得好香。食落口好烟韧，甜甜地，送酒一流。之后我地海老三本天妇罗，有虾天妇罗同埋蔬菜天妇罗。面浆落得唔多，天妇罗食落去都好鲜味。寿司杂锦盒：三文鱼三味，火灸三味。寿司系师傅喺我哋面前即场手握，我哋都好钟意食火灸寿司😋😋帆立贝系列：帆立贝刺身，帆立贝寿司。帆立贝好鲜味、好肥美，食落去啖啖肉，口感十足🤤另外我哋都嗌左一个主食：白咖喱吉列黑豚丼。白咖喱比较浓稠，吉列黑豚炸到啱啱好，中间嘅黑豚好多肉汁，肉质都好松化。但系依个丼都好大碗，食定我哋都饱饱地😂另外，我地叫左铁板和牛粒。和牛粒加埋炸蒜片一齐食，真系好惹味！和牛粒煎到外香内多汁。最后，我地叫左明太子玉子烧，又系可以睇住师傅即场整俾我哋食😆 浓郁嘅蛋香，内里煎到半熟嫩滑，玉子控千祈唔可以错过！