名 料理 (已結業)

今日去开大尾督郊游，比我地发现到龙尾村呢间食日式料理餐厅。环境装修都好别致，用左好多日本既元素，睇到佢地好用心。食物质素方面都好出色，选择够丰富。点左盆刺身，平时食惯三文鱼，吞拿鱼，今次特别点左新解活鱼刺身，海胆同带子。食落口食得出好新鲜，而且带子够大粒，大推!蟹籽律有好多蟹籽，岩晒蟹籽控既我。烧物方面，试左烧鸡泡鱼干，酱汁烤鱿鱼同烧羊鞍。鸡包鱼干好惹味，愈食愈想再食，最后都叫多碟。烤鱿鱼唔会太干，食落爽口，羊鞍都烧得岩口，唔会太鞋口。食物质素好好，令我地都想再试下其他菜式，加追左个午市套餐，试下和牛牛柳条，牛柳条好浓郁既牛味道，而且仲有肉汁，果然无令我地失望! 最后食埋个绿茶同柚除子味雪糕，柚子味香味浓郁，而且味道特别，值得一试!