金船長餐廳 (已結業)

位于大角咀嘅呢一间西餐厅，虽然外表唔系10分出众，不过每次经过总会见到佢满座，即使唔系周末，无论系咩时段成间餐厅都总会坐满客人！如果唔系啲嘢特别好食，又点会吸引咁多人留低呢？最钟意佢呢度嘅黑松露菌酱意式薄饼，完全系出边食唔到嘅味道！超级丰满嘅黑松露酱，夹系外脆内软嘅Pizza里面，面头铺们碎芝士，𠮶种口感难以形容！呢个诚意推介真系一定要试。太太点左白酒忌廉汁配三文鱼比目鱼，一个主菜食晒两种鱼，完全满足晒钟意食鱼嘅太太！金船长梳乎里亦都系每次太太最钟意点嘅甜品，呢度有新款口味可以选择，姜味，橙味，原味！橙味系特别好食嘅！一啲都唔会有饱饱仔仔嘅感觉。蜜糖慢煮烤猪手，今次第一次叫，一上枱果下真系俾佢吓亲，猪手嘅份量带到难以形容，可以话系三个人share食都OK，慢煮猪手煮到软林林，非常之咁入味！你一餐真系好饱好丰富。