鮨亭 (已結業)

早排朋友仔约我再食呢间居酒屋，隔左差唔多一年再黎食，估唔到仲保持到水准，食材都系由日本直送，超级新鲜，而且平日夜晚客人唔多，慢慢吹水+饮野都得😍❀和风冻蕃茄❀原个蕃茄既前菜，切成一块块薄片，食落酸甜又开胃。❀筑地刺身五点❀侍应会介绍进食次序，由淡到浓味，鱼生系厚切仲要好新鲜，包括：鲇并、金目鲷、深海池鱼、鲜鲭鱼及海胆，鲇并系香港比较少见，肉质肥美呈半透明，味道清甜又鲜美。个海胆完整又饱满，超靓，食落质感细腻，几乎入口即溶🥰❀牛油果软壳蟹卷❀脆卜卜既蟹籽、牛油果+软壳蟹饭卷，简单得黎又好味既组合，软壳蟹炸到甘香可口又唔油腻。❀黑松露鳗鱼石锅饭❀个石锅饭大份到少少吓亲，有饭焦，d饭粒粒分明，仲有少少鳗鱼粒粒响入面，特别香口，面头既鳗鱼甜甜地又肥美😆❀巨峰乳酸及柚子柠檬梳打❀叫左走冰但份量都冇少到，柚子柠檬柚子既甜度中和左柠檬既酸，饮落微甜咁，又几好。巨峰乳酸有淡淡巨峰提子味，唔错。