ABC Kitchen

营业中

休息中

估你唔到原来街市熟食市场都可以揾到好食嘅西餐。待应们好好人 ，幽默又风趣。坐低后首先送上嘅系送嘅香草衞星饱 。我地有五个人，所以每道菜都差唔多试匀。总括然而，头盘甜品都好失望，但系主菜好岀色！头盘一 龙虾汤Portion几大，汤有虾味，配有几旧虾肉，好味！头盘二 带子Portion好细，带子overcook好干，有啲失望头盘三 蓝青口蓝青口肉质有啲梅，不过个汁系整得几好食。头盘四鹅肝鹅肝冇食，no comment 主菜一 意大利饭意大利饭煮得几有菇味，唔错。主菜二 西班牙乳猪西班牙乳猪肉质柔嫩，猪皮亦焗得好脆，有肉汁之余亦好惹味， 推介！比起高级餐厅食嘅乳猪更加出色，必食之选。主菜三 鱼鱼肉好嫩，配上少少柠檬汁，非常清新，钟意食鱼嘅朋友一定要试。主菜四 羊膝羊膝煮得非常入味，亦都系必食之选，钟意食浓味嘅朋友一定要试。甜品一 咖啡疏乎厘咖啡疏乎厘只系用咖啡粉整成，冇乜特别，不试也罢。甜品二 pavlova 蛋白霜上有热情果酱，唔会太甜，还可以。