瑪斯小食 (已結業)

今日同朋友系附近整完野，有少少肚饿，但又未到晚餐时间，所以就上OpenRice 睇下附近有咩小食店。一开始仲觉得系工厦3楼会唔会中伏，点知野食一黎到就知执到宝。以为$30一个墨西哥风脆玉米片 配蕃茄&孜然牛肉碎系就咁一pat酱系面，点知真系有肉碎同真番茄。芝士控一定劲满足，芝士酱既量一啲都唔悭。另外，仲叫左个大阪烧加海鲜，下午茶份量啱啱好，加既海鲜系大大条蟹柳，真系好足料。味道拍得住日式餐厅。小食既选择多到要黎下一次再试！