大麥牛肉麵 (已結業)

今晚同朋友去咗依间隐世嘅小店食牛肉面。间小店门口好有外国田园风光嘅装修感觉。有啲假嘅小麦草同门口贴咗间店嘅招牌菜。小店入面都以纯白色为主调，装修布置都好有田园嘅感觉，有个小黑板，仲画咗只牛同啲麦草。而厨房附近，有块黑色嘅当布，有少少想营造日式嘅感觉。点咗一个招牌红烧牛肉荞麦面$58。一个卤肉便当$53。皮蛋豆腐$26。卤水拼盘（鸡翼丶鸡槌丶鸡蛋）$38。同一个酸梅汤$10。首先个桂花薄荷酸梅汤都几酸下，不过酸梅汤面头都几多桂花，而且薄荷味都几浓烈。.皮蛋豆腐皮蛋汁超浓郁，而且皮蛋浸得好入味，有少少爽口，豆腐都好滑。卤水拼盘份量都好多，不过卤水汁唔够入味。鸡翼同鸡槌都尚算多肉。卤肉便当个卤肉便当份量好够，卤肉汁煮得好入味，卤肉煮得都几淋，而且肥肉唔多，切得都几细粒。招牌红烧牛肉荞麦面荞麦面煮得好Q弹，红烧牛肉都好大块，而且啲牛肉花纹都几靓，唔肥肉，几容易嚼。块萝卜都炆煮得几淋。味道算不错，计钱合理。