恆達油渣麵

营业中

休息中

呢一间真系真真正正嘅隐世小店，喺油麻地一个极小型嘅街边档街市入面，如果唔系有朋友极力推介嘅话，行过路过一定会错过，呢度嘅猪油渣面好出名，不过我自己就觉得佢嘅老火汤更加出色，仲要每日唔同款𠮶下先至劲。40蚊一碗细size，睇下啲汤渣就知道真材实料，饮落去非常滋润非常清甜，蜜枣红枣龙眼肉杞子呢啲材料应该唔少得，慢火煲返几个钟令到碗汤好入味。入面嘅地方非常浅窄，得一张圆枱再加长边嘅简陋Bar枱位，不过性在食物质素高而且有人情味，偷听入面伙记嘅对话估计应该系一家人一齐做。