影片
更多
2019-09-29
1568 浏览
呢日拎咗下午假去新蒲岗整啲嘢，整完都五点几，所以同朋友决定喺到早早哋食埋个晚饭先。呢头真系唔熟，所以喺openrice揾下有乜好食，碌碌吓见到有间叫小龙虾🦞嘅餐厅，个名吸引咗我，再望下见到有人推荐炒薯粉，见几特别就试下啦😉。餐厅门口就贴咗好多用萤光纸手写嘅餐牌，✍🏻手字几靓，有好多嘢食，全部都超平，客饭连饮品$3x搞掂。餐厅环境都几旧几简陋，不过唔算好细，入面都有唔少枱，下午5点几已经有唔少人食紧嘢，持续都有街坊中佬🧔🏽入嚟帮衬，我哋自己揾位坐低先。由于有目标，所以好快就可以落单，大部分嘢食都包饮品，冻饮都唔使加钱添😍，但可乐就加$3。题外话，呢到得一个哥仔负责楼面同厨房水吧所有嘢，劲忙，好犀利👍🐷猪扒炒薯粉($43)(麻辣+$3)，嗌呢个系因为见到人哋推介，嚟到就有微香，但唔算好重麻辣香，而个样都几吸引，因为块猪扒系煎到靓靓再切开铺上面，下面就系透明bling bling闪✨嘅炒薯粉，夹埋椰菜丝一齐炒，只碟唔大，但份量系超多个。味道几好食㖞🤤，首先系够镬气，热辣辣送上，第二薯粉系烟烟韧韧，个质感好正，而呢到只薯粉系较幼同扁身的，比较特别。味道唔会好咸，所以只麻辣味同我想像中有啲唔同，
呢日拎咗下午假去新蒲岗整啲嘢，整完都五点几，所以同朋友决定喺到早早哋食埋个晚饭先。呢头真系唔熟，所以喺openrice揾下有乜好食，碌碌吓见到有间叫小龙虾🦞嘅餐厅，个名吸引咗我，再望下见到有人推荐炒薯粉，见几特别就试下啦😉。
餐厅门口就贴咗好多用萤光纸手写嘅餐牌，✍🏻手字几靓，有好多嘢食，全部都超平，客饭连饮品$3x搞掂。餐厅环境都几旧几简陋，不过唔算好细，入面都有唔少枱，下午5点几已经有唔少人食紧嘢，持续都有街坊中佬🧔🏽入嚟帮衬，我哋自己揾位坐低先。由于有目标，所以好快就可以落单，大部分嘢食都包饮品，冻饮都唔使加钱添😍，但可乐就加$3。题外话，呢到得一个哥仔负责楼面同厨房水吧所有嘢，劲忙，好犀利👍
88 浏览
0 赞好
0 留言
🐷猪扒炒薯粉($43)(麻辣+$3)，嗌呢个系因为见到人哋推介，嚟到就有微香，但唔算好重麻辣香，而个样都几吸引，因为块猪扒系煎到靓靓再切开铺上面，下面就系透明bling bling闪✨嘅炒薯粉，夹埋椰菜丝一齐炒，只碟唔大，但份量系超多个。味道几好食㖞🤤，首先系够镬气，热辣辣送上，第二薯粉系烟烟韧韧，个质感好正，而呢到只薯粉系较幼同扁身的，比较特别。味道唔会好咸，所以只麻辣味同我想像中有啲唔同，但都几好食。不过愈食愈辣🌶，开头ok完全食到，但食到大半我真系顶唔顺🙈。
猪扒炒薯粉
$43
92 浏览
0 赞好
0 留言
🐔干炒鸡扒米($41)，朋友叫呢个食，嚟到一开始见到咦啲米粉咁白嘅，无乜色水咁，所以谂可能会好淡。朋友食咗啖之后，同我讲好好食㖞，我就即刻试。哇一食发现真系劲好食😋，因为我钟意食炒米粉，佢个米粉比较粗身，而且炒到好爽口弹牙，唔系淋patpat𠮶种，又唔淡几香口😛。另外佢块鸡扒真系煎到金黄色，好好食，皮脆肉嫩。估唔到佢嘅鸡扒同米粉系仲好食过猪扒同薯粉，真系好出色👍👍👍，而且米粉份量亦好多，但食落无薯粉咁滞。
干炒鸡扒米
$41
142 浏览
0 赞好
0 留言
饮品我哋都系叫咗冻奶茶，唔使加钱真系超抵，都几好饮，唔太甜太涩，仲好啱我解辣🤪。连嘢饮都系由个哥仔冲，真系好劲。
42 浏览
0 赞好
0 留言
总括嚟讲，佢系一间行过劲唔起眼嘅普通街坊餐厅，就咁望真系未必会入去。环境同卫生就一般般啦，但一定未到恶劣。而食物方面，讲返先就系无小龙虾卖🙈，而系普通卖下炒粉面、客饭𠮶啲，全部都劲抵食‼️‼️，如果我住附近或者喺附近返工，一定会成日帮衬。我今日嗌𠮶两碟炒嘢都超好食，比平日茶记好食好多，炒米粉更加有惊喜！如果我再经过新蒲岗，我一定会返嚟再食👍👍👍。
张贴
