平成 (已結業)

今日想食日本野见到呢间咁多好评就试下，果然好有日本feel，食物都高质素👍🏻味噌广岛蚝三重芝士葱蛋饼首先试呢度出名嘅三重芝士葱蛋饼，食落劲浓芝士味有拉芝，蛋亦都做到少少流心，而蚝嘅份量都几多，布满咗成个蛋饼，粒粒都胀卜卜同埋唔会腥，面头啲葱轻轻调味令成份蛋饼更惹味烧黄花鱼一夜干一夜干好似比较少见，虽然系比海盐腌制过，但咸度适中完全无盖过左鱼本身嘅鲜味，再加上烧完令到鱼嘅皮脆口但肉都keep到嫩，骨唔算好多，点埋小店自制嘅酱料鱼鲜味更出～盐烧提子五花腩卷呢款好有惊喜，估唔到提子同五花腩系咁match🤣提子本身酸酸甜甜同埋多汁，咁岩中和左比较干身嘅五花腩，另外提子偏软，五花腩就烧到脆口，所以食落都好有口感，感觉上无净系食五花腩咁油腻盐烧牛舌粒烧到恰到好处，牛舌粒完全唔会韧，入口松化，表面微熏，食落香口又唔会盖过左牛舌本身嘅味～另外而家做紧promotion，$80有一串手羽先烧同一杯啤酒，先唔讲价钱好平，鸡翼同样好有风味，鸡皮脆口，而鸡肉滑身，只有轻轻盐嘅调味，食到鸡嘅原汁原味啤酒都大杯，最岩当宵夜或者想揾个地方同朋友吹水食下小小野～