Soul9+ (已結業)

朋友最近搬左去北角，参观完新居就话带我去隐蔽小街食饭~由新光戏院过马路一直行，原来入面仲有条叫锦屏街，真系别有洞天，仲要成条食街咁。朋友到SOUL9+门口示意内进，餐厅幽暗既灯光，墙上仲有估计系店主影既黑白相，仲有好多小摆设, 很有格调~餐牌上有d食标志左"相机食先"同埋"推介菜色"，我当然又喺instagram 睇吓相先啦~　烟熏。海胆玉子烧店员捧住上台时, 有个玻璃盖盖住,入面白蒙蒙, 店员提醒烟雾维持到一分钟。慢慢打开盖，好香既烟熏香气。伴碟有D食用花,沙律点缀 散发住蛋香既玉子烧，加埋creamy味浓既海胆,一啖咬落去真系心心眼吖!呢道菜真系色香味美! 松叶蟹爪明太子白酒忌廉意粉摆碟放得靓靓,插著一条已经剪开既松叶蟹脚、蟹钳。意粉加咗好多明太子，食到尾都有，又creamy又惹味!对于我呢啲明太子控，呢个真系必点~烧美国猪鞍扒。新鲜薯角。杂菜沙律切得细细粒嘅薯角，先咬一口外层超松化，有入口即溶嘅感觉~真系想另外加多一份呀!主角猪鞍扒都好厚切，烧嘅火候刚好，唔韧， 点埋侧边嘅橙汁很配!睇唔出呢间小店嘅菜式几出色!难怪朋友会带我黎一试啦!