築地日本料理 (結志街) (已結業)

同事今晚带左我黎呢间隐世铺头仔食日本嘢，话上次试过唔错！店舖的的骰骰，加埋地道装修，劲有日本居酒屋感觉！有我好中意嘅千与千寻同龙猫～我地嗌咗2个定食set～原条鳗鱼饭同埋拉面🍜拉面汤底好入味！浓浓嘅猪骨汤，加上肥厚适中嘅叉烧，oishi！而半熟流心蛋都系神来之笔，劲浓蛋味！一啖汤、一啖面，真系饮下饮下成个汤都见底咁济～神奇嘅系饮完无口渴感，真材实料！男朋友就叫咗鳗鱼饭，原条上真系劲震撼！加上特制烧汁，惹味非常～而且饭量好多，男人都食得饱！抵食之选！😎