有家煎餅

营业中

休息中

路过龙门居条食街，有少少肚饿，见到呢间小食店，见到佢呢个即做嘅煎饼好吸引，忍唔住试吓。店员都有推介佢哋嘅甜品，作为一个甜品又点会忍得口。😜我叫咗佢嘅特色煎饼啦，加咗台湾香肠同紫菜肉松即叫即做，佢好足料啊，热辣辣咁样真系好好食。我要同阿仔share先食得晒。甜品食咗店员推介嘅桃胶鲜奶，哗！超大筒都系$28，啲奶好香滑亦有足料嘅桃胶。我仔叫咗嘅芒果柠檬茶都好饮。另外佢个摆得好靓精致嘅芋泥抹茶布甸碗，坚好食，我觉得佢个芋圆同埋个抹茶布甸都好出色。真系食得出香浓嘅抹茶味。芋圆烟韧韧又有芋头味，超想encore。咁嘅价钱，有咁高嘅质素真系好惊喜💁🏻‍♀️我下次经过一定会再去食。