Amazake (已結業)

因为疫情关系，尽量同朋友约闲日见面，谂住冇咁逼人。当晚单点几款食物，大家都食得尽兴开心！朋友拣咗几款刺身，选择唔多，但好新鲜。比较少见有鱿鱼，所以叫咗嚟试。上台发现好大条，食落好软身，如果可以脆身啲就更好。送酒都好好味。盐烧油甘鱼鲛都好大份，外脆内juicy ，配个汁比较酸，我觉得就咁食鱼鲛已经好鲜味！之前去过铜锣湾另一间居酒屋，印象中比呢个贵一倍价钱，呢个性价比高，值得一试。散叫寿司拣咗３款：海胆寿司 三文鱼子寿司 葱吞拿鱼寿司海胆寿司 呢个都几新鲜，如果海胆唔靓会一pat pat.. 但呢度冇咁嘅情况三文鱼子寿司 咬落去爆汁，够哂咸唔沾豉油都可以葱吞拿鱼寿司 落劲多吞拿鱼蓉，足料！细个读书成日食鳗鱼炒饭，所以个人有特别情意结，见亲都会点嚟食呢个饭炒得刚好，但加埋只温泉蛋就会偏湿，所以可以因应个人喜好捞唔捞蛋最后朋友想食锅物所以要个泡菜豚肉锅，刚煮好就送到台上，食落好暖身。汤底微辣，咸咗啲，应该系预俾你送饭食就刚刚好。