影片
更多
2024-02-18
85 浏览
隐世居酒屋喺日本食过博多牛肠锅之后，心血来潮突然又想食返，于是去网上揾资料，最后决定嚟呢间居酒屋。当日系年廿九,睇完中医后,自己一个去到依间居酒屋医肚,上到去己经系八点正,本来以为楼上居酒居会无乜人,错啦！估唔到坐满哂食客,好彩仲剩得最后一张枱安排比我坐。环顾四周,日本人同本地人都各占一半。两大枱日本人似系放工之员工同老板嘅欢乐时间嚟呢度消磨。而餐厅装修偏向日式酒吧格局,店内有部大电视播紧日本电台嘅节目。我点咗博多牛肠锅、铁板海鲜明太子、明太子芝士玉子烧、炸虾仔、炸物(牡蛎猪肉卷、芦笋、炸牛肠×3、炸海鳗、炸牛肉、炸秋葵......)。炸物先讲吓炸物,薄薄一层脆粉浆包住,沾啲带酸味嘅喼汁令到各色各样食材粉外惹味,但炸牛肠可能喺高温嘅情况下缩到一小嚿,感觉无渌咗三十秒嘅牛肠体积咁大。牡蛎猪肉卷可能又就住块猪肉嘅熟度,连带牡蛎缩到好细粒,食到有啲到喉唔到肺。其他炸物食材正常。博多盐味牛肠锅博多盐味牛肠锅一流,牛肠铺上好多韮菜同芽菜仲有几片柠檬,卖相吸引。成口牛脂满足无比,含住嚿牛肠等啲牛脂香气慢慢浸淫喺口腔里面,然后差不多食到剩返块比较韧嘅肠衣就干脆吞下,真系好好味。明太子芝士玉子烧夹住啲
喺日本食过博多牛肠锅之后，心血来潮突然又想食返，于是去网上揾资料，最后决定嚟呢间居酒屋。
当日系年廿九,睇完中医后,自己一个去到依间居酒屋医肚,上到去己经系八点正,本来以为楼上居酒居会无乜人,错啦！估唔到坐满哂食客,好彩仲剩得最后一张枱安排比我坐。环顾四周,日本人同本地人都各占一半。两大枱日本人似系放工之员工同老板嘅欢乐时间嚟呢度消磨。而餐厅装修偏向日式酒吧格局,店内有部大电视播紧日本电台嘅节目。
我点咗博多牛肠锅、铁板海鲜明太子、明太子芝士玉子烧、炸虾仔、炸物(牡蛎猪肉卷、芦笋、炸牛肠×3、炸海鳗、炸牛肉、炸秋葵......)。
炸物先讲吓炸物,薄薄一层脆粉浆包住,沾啲带酸味嘅喼汁令到各色各样食材粉外惹味,但炸牛肠可能喺高温嘅情况下缩到一小嚿,感觉无渌咗三十秒嘅牛肠体积咁大。牡蛎猪肉卷可能又就住块猪肉嘅熟度,连带牡蛎缩到好细粒,食到有啲到喉唔到肺。其他炸物食材正常。
博多盐味牛肠锅博多盐味牛肠锅一流,牛肠铺上好多韮菜同芽菜仲有几片柠檬,卖相吸引。成口牛脂满足无比,含住嚿牛肠等啲牛脂香气慢慢浸淫喺口腔里面,然后差不多食到剩返块比较韧嘅肠衣就干脆吞下,真系好好味。
明太子芝士玉子烧夹住啲芝士同明太子,玉子浓郁柔滑,拉丝芝士同明太子馅味道好匹配,不过用匙羹攞起时需要夹稳啲,事关感觉足料坠手兼易散,份量一啲都唔少。
铁板海鲜明太子呢个比较淡味唔吸引
炸虾仔
炸虾仔系钟意食炸嘢嘅人唔能够错过,咸香嘅炸虾仔酥香鲜脆,无论当佐酒小食又或者系当正餐前菜开胃小点都系一绝。
留意到嚟呢度嘅食客有啲同三五知己饮酒食轻食消磨时间,有啲系情侣嚟开餐,有啲放工约朋友嚟呢度食饭,有啲比老细捉过嚟焗住Happy Hour,无论食客轻食或开餐,每枱都必定有碟串烧放喺佢地面前。
张贴
