六角

营业中

休息中

今晚去到湾仔揾食，听人讲星街一带有好多人细食肆，原来除咗酒吧同coffee shop之外，都真系有好多小店，而呢间六角就系其中一间👏🏻 餐厅唔大，位置唔多，但系非常有日本嘅家庭式居酒屋feel，寿司吧枱当然有寿司套餐，而今日我哋就食咗几款精致料理：🍴明太子酿青椒 - 超好食！原来将明太子酱入青椒入边，再炸，味道超夹！钟意明太子嘅一定不能错过👍🏻👍🏻👍🏻🍴粟米天妇罗 - 天妇罗炸得非常松化，而粟米天妇罗都系我第一次食，作为前菜，非常开胃👍🏻🍴日式烤鸡扒便当 - 鸡扒烧得非常滑溜，外皮超香脆一咬就爆汁，睇得出系用心之作🍴葱吞拿鱼丼 - 葱吞拿鱼非常足料，加埋面头嘅香葱同埋大量紫菜，必食之选🫶🍴最后加埋甜品，自家制曲奇同芝麻雪糕，份量啱啱好，为呢餐完美嘅晚餐画上句号下次黎开湾仔，非常推介大家试吓