紅館 (海堤街)

营业中

休息中

身为水煮牛肉嘅忠粉, 当然要周围试吓唔同餐厅嘅水煮牛啦, 捐窿捐罅咁揾到呢间隐世小店 ❥⧽红馆 ❥⧽。餐厅有少少大排档风味, 几有气氛。𓊈麻辣咸鱼肉粒炒饭 $𝟡𝟠𓊉惊喜! 叫呢个煲仔饭完全系因为闻到隔离枱个煲仔饭好香, 估唔到香之余仲好好食呀! 个饭炒得好均匀, 咸鱼肉粒超惹味, 每一啖饭都有咸鱼/ 肉粒真系食得好爽, 而煲底仲有饭焦㗎。𓊈重庆水煮嫩滑牛肉 $𝟙𝟜𝟠𓊉忠粉认证呢度嘅水煮牛肉好好味! 麻香味十足, 容易入口, 不过会越食越辣。牛肉份量多, 而且好嫩滑。几欣赏里面嘅洋葱, 唔会煮到淋晒, 几爽口。𓊈招牌麻辣大波波鱼蛋 $𝟚𝟟𓊉太耐无去长洲, 所以见到大粒仔鱼蛋就即刻叫嚟食, 鱼蛋几弹牙, 个麻辣汁好香浓惹味。𓊈重庆酸辣粉 $𝟞𝟡𓊉酸辣粉汤底好足料, 有花生, 芝麻, 酸菜同腩肉粒, 味道适中, 而酸辣粉比较幼身, 几烟韧。𓊈Asahi 大樽啤酒 $𝟜𝟡 𝕗𝕠𝕣 𝟚𓊉食咁多辣嘢点都要配啤酒先得, 呢度用雪冻咗嘅碗嚟装酒㗎, 好有 feel, 饮落又冰凉!✧✧ 整体嘅嘢食都好好味呀, 煲仔饭真系好出色, 值得支持嘅隐世小店。