影片
更多
2018-04-09
87 浏览
路经西营盘，咁啱见到呢间装修西式但主打川菜嘅餐厅，就入去试下。里面嘅装修都好西式。我哋叫咗个鸡丝酸辣米线($56)，麻辣牛展凉面($58)，先锋冷盘($68)，两杯薏米水($22杯)。另加一服务费。埋单$248(共2人)。薏米水足料，仲有冬瓜粒，配麻辣菜式一流。^_^呢个系先锋冷盘，$68有4种冷盘算系抵食。摆碟够靓，冻牛肉够牛肉味，牛杂都够辣够入味。炎炎夏季开始到，食埋拍黄瓜同木耳感觉好清新。酱汁够多，黄瓜爽脆，木耳较腍。鸡丝酸辣米线相比冷盘失色。料系靓嘅，唔会俾啲冇味鸡肉你，系足料嘅。不过个汤就唔太过出色喇。麻辣牛𦟌凉面唔错㖞。面质有咬口，汁够多，唔会干争争，黄瓜丝芫荽多到剩。就咁食个面略为淡口，一啖面一啖肉就啱啱好的。冰冻麻辣微咸加埋大量黄瓜芫荽，系好清新又感觉健康，算系出色嘅凉面。
里面嘅装修都好西式。
我哋叫咗个鸡丝酸辣米线($56)，麻辣牛展凉面($58)，先锋冷盘($68)，两杯薏米水($22杯)。另加一服务费。埋单$248(共2人)。
薏米水足料，仲有冬瓜粒，配麻辣菜式一流。^_^
呢个系先锋冷盘，$68有4种冷盘算系抵食。摆碟够靓，冻牛肉够牛肉味，牛杂都够辣够入味。炎炎夏季开始到，食埋拍黄瓜同木耳感觉好清新。酱汁够多，黄瓜爽脆，木耳较腍。
鸡丝酸辣米线相比冷盘失色。料系靓嘅，唔会俾啲冇味鸡肉你，系足料嘅。不过个汤就唔太过出色喇。
麻辣牛𦟌凉面唔错㖞。面质有咬口，汁够多，唔会干争争，黄瓜丝芫荽多到剩。就咁食个面略为淡口，一啖面一啖肉就啱啱好的。冰冻麻辣微咸加埋大量黄瓜芫荽，系好清新又感觉健康，算系出色嘅凉面。
张贴
