一碗小麵

营业中

休息中

港大附近都有唔少美食，其中一间近西营盘嘅餐厅食川菜嘅，新开的，位置唔算好显眼。系朋友介绍先识黎。喺西营盘地铁站向港大方向行几步之后落个电梯就到啦。我同朋友两个人系午饭嘅时候黎到，分别点咗两个主菜另外再加杯嘢饮，平均每人都唔使一百蚊。我点咗葱爆牛肉套餐，再免费加个白饭。牛肉嘅份量都几多几抵食，肉身唔算太难咀嚼，好香口。另外仲有超多葱，钟意葱嘅朋友一定超啱食。至于朋友就点咗鸡丁虾仁炒饭，我都试咗几啖。啲饭热辣辣，而啲鸡煮得几好，唔算太咸，亦唔系太油腻。 色泽光鲜增加食欲。另外饮品都值得介绍下。佢唔系一般嘅茶，而系玄米茶。我最钟意佢够香口，易入口，而且金黄色几特别。除此之外，我同朋友都分别加咗嘢饮。朋友点咗豆浆，豆浆个杯身好阔，份量都好多。我就点咗冬瓜薏米茶，拣咗冻嘅。冬瓜切成细细粒配埋薏米，效果有惊喜，可以清热解暑。餐厅虽然话系川菜，但系都有好多唔辣嘅款式，款式算多。离开呢头既话都值得一试。