影片
更多
2022-09-14
57 浏览
红馆店舖位置较为隐蔽，我自己要开住地图先识行，如果唔系上OpenRice揾有咩嘢食真系难啲自己发现有间咁嘅舖头。餐厅有各式各样嘅川式菜品，餐牌睇到眼花撩乱🤪。有麻辣大鱼旦、鲜虾红油抄手等等作开胃前菜，想嗌个饭配小菜又可以拣回锅肉或者京葱炒牛肉，如果自己一个人嚟都可以就咁点一碗酸辣粉，而我同男朋友今次就拣咗红馆必食推介嘅「重庆水煮滑鱼片」同大排档风味嘅「鲜虾云吞滑鸡煲」。🐟#重庆水煮滑鱼片($188)：本身餐牌写住重庆水煮龙利柳，不过落单时个姐姐同我讲可以加钱转滑鱼片，我就谂反正都系不如食好啲啦😆然后就果断加钱升级。水煮辣度我哋拣咗小辣，食到中后期先开始觉得麻同辣。好彩有转到滑鱼片，真系超级好食，鱼片又滑又冇骨，连鱼皮都好似花胶咁，而且份量非常之多，食到底都仲见到有几块鱼片净，另外每一块都好完整唔系碎湿湿嘅鱼肉👍🏻。鱼片之下仲有大量嘅洋葱同芽菜，洋葱保持爽口口感仲有少少甜味，我哋最后都忍唔住加咗一个白饭($10)。🦐#鲜虾云吞滑鸡煲 ($148)：鸡煲可以拣普通鸡汤或者麻辣汤底，我哋拣咗麻辣底，同样系小辣，重庆水煮个麻辣程度会更加明显，而鸡煲相对会较清淡少少。一个煲入面有四大粒云吞，而且
红馆店舖位置较为隐蔽，我自己要开住地图先识行，如果唔系上OpenRice揾有咩嘢食真系难啲自己发现有间咁嘅舖头。
餐厅有各式各样嘅川式菜品，餐牌睇到眼花撩乱🤪。有麻辣大鱼旦、鲜虾红油抄手等等作开胃前菜，想嗌个饭配小菜又可以拣回锅肉或者京葱炒牛肉，如果自己一个人嚟都可以就咁点一碗酸辣粉，而我同男朋友今次就拣咗红馆必食推介嘅「重庆水煮滑鱼片」同大排档风味嘅「鲜虾云吞滑鸡煲」。
🐟#重庆水煮滑鱼片($188)：
本身餐牌写住重庆水煮龙利柳，不过落单时个姐姐同我讲可以加钱转滑鱼片，我就谂反正都系不如食好啲啦😆然后就果断加钱升级。水煮辣度我哋拣咗小辣，食到中后期先开始觉得麻同辣。好彩有转到滑鱼片，真系超级好食，鱼片又滑又冇骨，连鱼皮都好似花胶咁，而且份量非常之多，食到底都仲见到有几块鱼片净，另外每一块都好完整唔系碎湿湿嘅鱼肉👍🏻。鱼片之下仲有大量嘅洋葱同芽菜，洋葱保持爽口口感仲有少少甜味，我哋最后都忍唔住加咗一个白饭($10)。
🦐#鲜虾云吞滑鸡煲 ($148)：
鸡煲可以拣普通鸡汤或者麻辣汤底，我哋拣咗麻辣底，同样系小辣，重庆水煮个麻辣程度会更加明显，而鸡煲相对会较清淡少少。一个煲入面有四大粒云吞，而且唔知点解有啲云吞入面仲有两大只虾🦐🦐劲足料！反而鸡有几旧嘅口感比较扎实。煲入面仲有好多粒金华火腿同白菜仔，好鲜甜非常满足。
🍶#泸州老窖大曲酒：
而家做紧推广优惠，每人送一杯仔指定白酒。好彩我事前望一望酒嘅餐牌，入面列明所有酒精浓度、口感同特色。得知呢只#大曲酒 度数高达52%，所以第一啖都系轻轻用脷尖试一试味道，缓一缓之后先再饮。强烈建议各位如果唔系平时饮开白酒千祈唔好一大啖队入口(唔好俾佢嘅shot杯呃到)，当日隔篱枱位师兄一啖饮完咳到肺炎仔咁样🙈。落单姐姐仲问我饮唔饮得出菠萝味，自问自己唔系好识饮酒，不过都饮得出少少甜味。
🍺#啤酒：
大支装啤酒喺唔同时段会有唔同优惠，价钱详情要问返店舖职员(例如晚市时段#青岛啤酒 会做买一送一)。值得一赞嘅系，我哋当日叫咗一支#Asahi 店员姐姐拎咗一只🧊冰冻嘅碗用嚟饮啤酒，真系非常贴心，饮都饮得爽啲🍻。
张贴
