神木日本料理 (已結業)

观塘工厦一向都系隐世美食嘅集中地，有唔少高质嘅餐厅。香港人一向都钟意食日本嘢，今次去嘅呢间餐厅绝对称得上系高性价比嘅日本餐厅，人均唔洗300蚊已经可以食到刺身、串烧、小食，啱晒平时成日都想食日本嘢嘅朋友～------------------------------🐟◖神之特上刺身◗ $198呢个拼盘有六款刺身：三文鱼、吞拿鱼拖罗、真鲷、左口鱼、帆立贝同赤虾。刺身全部都几新鲜，最钟意拖罗同赤虾，拖罗油脂非常丰富，入口即溶；赤虾卷埋唔觉，食落都几大只，口感软糯！🍢◖鸡五味盛◗ $118串烧试咗鸡嘅五款部位，餐厅用咗日本嘅萨摩赤鸡嚟做串烧，分别有：二节翼，鸡肝，鸡胸软骨，鸡颈肉，鸡心。鸡肝同鸡心个人最钟意，涂咗啲照烧汁上面，味道甜甜哋，鸡肝口感喺粉粉地，鸡心都几大块，有啲口感～🥩◖牛肉他他◗ $88呢个他他同印象中嘅有少少唔同，用咗和牛牛肉切成厚片，再搭配蛋浆、酱汁、蒜蓉、葱花搅拌一齐食，蒜香味略嫌浓咗少少，会有啲抢咗牛肉味，不过口感同味道够晒丰富～🍜◖锅烧乌冬◗ $78乌冬有天妇罗虾，蟹柳，鸡蛋，用咗铁锅上，影完相仲保持到热辣辣，汤底嘅鲣鱼汤底好浓郁，全部都入晒味～🍓◖草莓乳酸梳打